Sariak

Eman minutu 1 Hezkuntza inklusibo eta ekitatiboaren alde

 

Hauek izango dira sariak, bost kategorietan:

 

EMAN MINUTU 1 SARIA. Kategoria nagusia eta sari gorena.

SARIA: Nestor Basterretxearen “Hilarri Solidarioa – Estela Solidaria” + garaikurra.

Hezkuntzaren giza eskubideei buruzko dokumentalaren errealizazioa finantzatuko da, guztira 5.000 euroko zenbatekoan.

Lan irabazlea epaimahai espezializatu baten irizpideen arabera aukeratuko da, lehiaketaren oinarriak betetzen baldin baditu.

EKIN ETA EGIN SARIA.

SARIA: Bideo-kamera + garaikurra.

Ikastetxe, gazteen kultura-elkarte eta abarrei zuzendura dago sari hau; 18 urtetik beherakoei, beti ere. Gazteek bakarka edo taldean aurkeztu ahal izango dute beren lana.

UNESCO ETXEA SARIA.

SARIA: Bideo-kamera + garaikurra.

Kategoria honetan irizpide hau balioetsiko da: mezua eta mezu hori zenbateraino datorren bat UNESCOk, eratu zenean, Giza Garapen Iraunkorra lortzeko bere gain hartu zuen helburuarekin.

EUSKO IKASKUNTZA SARIA.

SARIA: Bideo-kamera + garaikurra

Euskarazko minuturik onena.

EIKEN AIPAMENA.

SARIA: EIKEN- Euskadiko Ikus-entzunezkoen eta Eduki Digitalen Klusterra eta haren enpresak presente dauden eduki-merkatuetan izena ematea.  Antolatzen diren hitzaldi eta ekitaldietara joateko aukera egongo da.

Euskadiko ikus-entzunezko piezarik onena sarituko da, hau da, teknika digitalen erabilera hobekien bultzatzen duena. Kalitatezko proposamena, berritzailea eta orijinala izan beharko du, aurretik saritu gabea. Halaber, aintzat hartuko da proiektua etorkizunean bideragarria izatea eta egilea 30 urtetik beherakoa izatea.