“Eman Minutu 1” lehiaketaren 11. saioak Giza Eskubideen Aldarrikapen Unibertsalaren 1. artikulua betetzeari eta urratzeari buruz kontzientziatu nahi ditu herritarrak: “Gizon-emakume guztiak aske jaiotzen dira, duintasun eta eskubide berberak dituztela; eta ezaguera eta kontzientzia dutenez gero, elkarren artean senide legez jokatu beharra dute”.
COVID-19k eragindako egoera dela eta, sariak banatzeko ekitaldia ezin izan zen aurrez aurre egin; beraz, irabazleen parte-hartze bakarrarekin grabatu zen eta EITBen web gunean eta UNESCO Etxeko youtube kanalean dago eskuragarri.