Zer da?

Eman minutu 1 ASKATASUNA

2010ean UNESCO Etxea – Euskal Herriko UNESCO Zentroak martxan jarri zuen “Eman minutu 1” ikus-entzunezko lanen lehiaketa. Honen helburua, mundu mailan giza eskubideekin zerikusia duten arazoei buruz gizartea sentikor bihurtzea eta kontzientzia zabaltzea da.

“Eman minutu 1” lehiaketaren irabazleak izango dira ikus-entzunezko lan onenak eta giza eskubideak hoberen defendatu, bultzatu, aldarrikatu, zabaldu eta kontziatzen dutenak.

Guztiak berdinak garela eta eskubide eta betebehar berberak ditugula aldarrikatzen du “Eman Minutu 1” lehiaketak, eta denok defendatu behar ditugula pertsona guztien eskubideak. Inork ere ezin ditu eskubide horiek saihestu eta, hortaz, eskubideok urratzen diren tokian horiek babesteko betebeharra du.

2020an, 11. edizioan, lehiaketak “Eman minutu 1 ASKATASUNAren alde” izena hartzen du.

Giza Eskubideen Adierazpen Unibertsalaren 1., 2. eta 3. artikuluak betetzeari eta urratzeari buruz kontzientziatuko da lehiaketa. Askatasun eta berdintasunerako eskubide unibertsala defendatzen duten minutu bateko ikus-entzunezko pieza onenak sarituko ditu eta, beraz, guztiok izan behar dugula osoki aintzat hartuak eta errespetatuak gizartean, inolako bereizketarik egin gabe arraza, genero, jatorri, adin, gizarte-klase edo sexu-orientazioagatik.

Aurkeztutako piezek Giza Eskubideen Adierazpen Unibertsaleko 1, 2 eta. artikuluak izango dituzte oinarri:

1. atala. Gizon-emakume guztiak aske jaiotzen dira, duintasun eta eskubide berberak dituztela; eta ezaguera eta kontzientzia dutenez gero, elkarren artean senide legez jokatu beharra dute.

2. atala. Gizaki orori dagozkio Aldarrikapen honetan adierazitako eskubide eta askatasunak, eta ez da inor bereziko arraza, larru-kolorea, sexua, hizkuntza, erlijioa, politikako edo bestelako iritzia, sorterria edo gizarteko jatorria, ekonomi maila, jaiotza edo beste inolako gorabeheragatik.

3.atala. Norbanako guztiek dute bizitzeko, aske izateko eta segurtasunerako eskubidea.

Epaimahaiak alderdi hauek baloratuko ditu bereziki: