2022an, XIII. Edizioan, lehiaketak Eman minutu bat HITZAK izenburua izan zuen.
Edizio honetan hizkuntza- eta kultura-aniztasunari buruzko eta giza eskubideen sistemaren barruan kultura- eta hizkuntza-eskubideek duten lekuari buruzko minutu bateko ikus-entzunezko piezarik onenak saritu ziren.
Euskadi, Kantabria, Valentzia, Galizia eta Extremaduratik etorritako 79 bideok parte hartu zuten, baita Argentina, Bolivia, Bulgaria, Kolonbia, Italia, Mexiko eta Uruguaitik etorritakoek ere, hitz askorekin: euskaraz, gaztelaniaz, galizieraz, valentzieraz, katalanez, portugesez, rayeraz, nahuatlez, maputxez, yaganez, maorieraz, guaranieraz, tamazightez, banbaraz, hassanez, gaelikoz, arabieraz, ukraineraz, italieraz, ingelesez, frantsesez, alemanez, suedieraz, zeinu-hizkuntzaz…
Sari banaketa ekitaldia Getxoko Muxikebarri zentroan egin zen.